Starfsmaður fagráðs um símenntun og starfsþróun kennara

Um er að ræða tímabundið 50% starf. Fagráðið er sameiginlegur vettvangur ráðuneytisins, Samband ísl. sveitarfélaga, Kennarasambands Íslands og háskóla sem skipuleggja kennaramenntun. Fagráðið greinir þarfir skólasamfélagsins fyrir símenntun og starfsþróun kennara í leikskólum, grunnskólum og framhaldsskólum, miðlar upplýsingum og setur fram hugmyndir um mótun stefnu. 

Starfsmaðurinn þarf að hafa kennaramenntun og hafa starfað að skólamálum. Hann þarf að hafa þekkingu á starfsþróun kennara og reynslu af stefnumótun. Lögð er áhersla á að viðkomandi búi yfir þekkingu og hæfni í öflun, greiningu og miðlun upplýsinga. Starfið krefst frumkvæðis, sjálfstæðis í vinnubrögðum, skipulagshæfni, auk færni í að tjá sig í ræðu og riti. Viðkomandi þarf að vera jákvæður, fær og lipur í mannlegum samskiptum og reiðubúinn að takast á við krefjandi verkefni. Gerð er krafa um ritfærni og góða kunnáttu í íslensku, ensku og einu Norðurlandamáli.

• Laun greiðast samkvæmt gildandi kjarasamningum Félags háskólamenntaðra starfsmanna Stjórnarráðsins.
  
• Umsóknir með upplýsingum um menntun og fyrri störf skulu hafa borist mennta- og menningarmálaráðuneytinu, Sölvhólsgötu 4, 150 Reykjavík eða á [email protected].
  
• Umsóknarfrestur er til 3. febrúar nk.
  
• Nánari upplýsingar um starfið veitir Sigurjón Mýrdal, deildarstjóri í mennta- og menningarmálaráðuneytinu.