Nýjar dagsetningar samræmdra prófa í 10. bekk vorið 2008

Til skólastjóra og skólanefnda grunnskóla

Hinn 22. janúar sl. var yður sent bréf með dagsetningum samræmdra lokaprófa í 10. bekk í grunnskólum vorið 2008. Vegna ábendinga um að óheppilegt sé að síðasti prófdagur sé á föstudegi hefur menntamálaráðherra ákveðið nýjar dagsetningar fyrir prófin, sbr. hér að neðan.

Prófgreinar og prófdagar í 10. bekk grunnskóla vorið 2008 verða sem hér segir:

• Íslenska þriðjudagur 29. apríl kl. 9.00-12.00
• Enska miðvikud. 30. apríl kl. 9.00-12.00
• Náttúrufræði föstudagur 2. maí kl. 9.00-12.00
• Samfélagsgreinar mánudagur 5. maí kl. 9.00-12.00
• Danska þriðjudagur 6. maí kl. 9.00-12.00
• Stærðfræði fimmtudagur 8. maí kl. 9.00-12.00

Breyting á ákvörðun um prófdaga samræmdra prófa í 10. bekk vorið 2008 er tekin í samráði við Námsmatsstofnun sem sér um framkvæmd prófanna. Stofnunin sendir síðar nánari leiðbeiningar um framkvæmd prófanna.