Dagsetningar samræmdra könnunarprófa í grunnskólum haustið 2010
Til skólastjóra og skólanefnda grunnskóla
Í lögum um grunnskóla nr. 91/2008 er kveðið á um að samræmd könnunarpróf í íslensku og stærðfræði skuli lögð fyrir alla nemendur í 4. og 7. bekk grunnskóla. Jafnframt er kveðið á um að nemendur 10. bekkjar skuli á fyrri hluta skólaársins þreyta samræmd könnunarpróf í íslensku, ensku og stærðfræði.
Tilgangur samræmdra könnunarprófa í grunnskólum er m.a. að athuga að hvaða marki námsmarkmiðum aðalnámskrár í viðkomandi námsgrein eða námsþáttum hafi verið náð, vera leiðbeinandi um áherslur í kennslu fyrir einstaka nemendur og veita nemendum, foreldrum og skólum upplýsingar um námsárangur og námsstöðu nemenda.
Dagsetningar samræmdra könnunarprófa í 4., 7. og 10. bekk haustið 2010 verða sem hér segir:
10. bekkur
- Íslenska mánudagur 20. september
- Enska þriðjudagur 21. september
- Stærðfræði miðvikudagur 22. september
4. og 7. bekkur
- Íslenska fimmtudagur 23. september
- Stærðfræði föstudagur 24. september
Ákvörðun um prófdaga samræmdra könnunarprófa haustið 2010 var tekin í samráði við Námsmatsstofnun sem sér um framkvæmd prófanna. Reglugerð um fyrirkomulag og framkvæmd samræmdra könnunarprófa er aðgengileg á heimasíðu ráðuneytisins (menntamálaraáðuneyti.is).
Nánari upplýsingar um prófin, s.s. tímasetningar, verða að finna í framkvæmdahefti og á vefsíðu Námsmatsstofnunar þegar nær dregur prófunum.