Menntamálaráðuneyti auglýsir laust til umsóknar embætti skrifstofustjóra í ráðuneytinu

Skrifstofustjóri stýrir daglegri starfsemi skrifstofu vísinda og háskóla en hægt er að fela skrifstofustjóra umsjón með annarri skrifstofu og sviði í ráðuneytinu. Skrifstofa vísinda og háskóla fjallar um málefni háskólastigsins og annast almenna stjórnsýslu á sviði vísinda, rannsókna og nýsköpunar innan ráðuneytisins. Hún undirbýr mótun stefnu í málefnum háskólastigsins og hefur umsjón með framkvæmd hennar. Skrifstofan liðsinnir vísindanefnd í störfum hennar og annast samþættingu málefna sem lúta að vísinda- og rannsóknastarfsemi við mótun og framkvæmd menntastefnu.

Umsækjendur skulu hafa lokið háskólaprófi. Við mat á umsóknum verður litið til menntunar, stjórnunarreynslu og annarrar starfsreynslu.

Nánari upplýsingar um starfið veitir Kristín Jónsdóttir skrifstofustjóri í menntamálaráðuneyti.

Umsóknir skulu hafi borist menntamálaráðuneyti, Sölvhólsgötu 4, 150 Reykjavík, eigi síðar en 26. mars nk.