Nýr skólameistari  Fjölbrautaskólans við Ármúla

Mennta- og menningarmálaráðherra hefur skipað í embætti skólameistara Fjölbrautaskólans við Ármúla  til fimm ára.

Mennta- og menningarmálaráðherra hefur skipað Stein Jóhannsson í embætti skólameistara Fjölbrautaskólans við Ármúla  til fimm ára.

Steinn Jóhannsson er MA í sagnfræði og diplóma í uppeldis- og menntunarfræði. Hann hefur starfað við kennslu frá 1996, m.a. í Menntaskólanum í Kópavogi og Háskóla Íslands . Hann hefur starfað sem forstöðumaður kennslusviðs við Háskólann í Reykjavík frá árinu 2002.