Samráð við ungt fólk

Ungmennaráð Samfés, samtök félagsmiðstöðva á Íslandi, hélt árlegan fund sinn í mennta- og menningarmálaráðuneyti föstudaginn 18. janúar og tók Katrín Jakobsdóttir mennta- og menningarmálaráðherra þátt í hluta fundarins og ræddi við unga fólkið. Ungmennaráð kynnti starfsemi sína fyrir ráðherra og starfsmönnum ráðuneytisins og sögðu m.a. frá þátttöku ungmennaráðsins á landsþingi Samfés og verkefni um einelti, þá sérstaklega á netinu. Ungmennaráð gafst svo færi á að ræða við ráðherra og starfsmenn ráðuneytisins um ýmis málefni. Að þessu loknu hélt ráðið fund sinn.