Menningarlandið 2013

Upptökur af erindum og ræðum frá ráðstefnu um framkvæmd og framtíð menningarsamninga á Kirkjubæjarklaustri 11. og 12. apríl 2013.

Mennta- og menningarmálaráðuneyti, atvinnuvega- og nýsköpunarráðuneyti, Samband íslenskra sveitarfélaga og Menningarráð Suðurlands í samstarfi við önnur menningarráð landsbyggðarinnar boðuðu til ráðstefnunnar Menningarlandið 2013 – framkvæmd og framtíð menningarsamninga, sem haldin var á Kirkjubæjarklaustri.

Megintilgangur ráðstefnunnar var að ræða framkvæmd og framtíð menningarsamninga ríkis og sveitarfélaga, sem og samstarf ríkis og sveitarfélaga við menningarráðin, sem stofnuð hafa verið um land allt á undanförnum árum í kjölfar menningarsamninganna.

Samningarnir, sem eru sjö talsins í jafnmörgum landshlutum, fela í sér markvissan stuðning ríkissjóðs við menningarstarf og menningarferðaþjónustu gegn mótframlagi sveitarfélaga og einkaaðila í héraði. Menningarsamningarnir renna allir út á þessu ári og því var ákveðið að meta reynsluna af þeim til að geta gert áætlanir um framhaldið, m.a. með tilliti til sóknaráætlana landshluta.

Dagskrá

Á dagskrá ráðstefnunnar  voru erindi og umræður þar sem m.a. var rætt um:

• Hvers virði er öflugt menningarstarf fyrir samfélagið?
• Hver er reynslan af menningarsamningum ríkis og samtaka sveitarfélaga? Sjá nánari úttekt
• Hafa upphafleg markmið sem lágu að baki samningunum náðst?
• Hvaða áhrif hafa breytingar í tengslum við sóknaráætlanir landshluta á menningarsamninga og starfsemi menningarráða?
• Hvernig er hægt að tryggja að úthlutun opinberra fjármuna til list- og menningartengdra verkefna sé faglega unnin?
• Hvaða þýðingu hefur hin nýja menningarstefna sem Alþingi samþykkti á dögunum?

•  Nánari upplýsingar um dagskrá

• Upptökur af erindum og ræðum eru á vef Sambands íslenskra sveitarfélaga