Umsækjendur um embætti skólameistara við Fjölbrautarskóla Norðurlands vestra

Mennta- og menningarmálaráðuneyti bárust sjö umsóknir um stöðuna, þrjár frá konum og fjórar frá körlum.

Umsóknarfrestur um stöðu skólameistara við Fjölbrautaskóla Norðurlands vestra rann út mánudaginn 30. maí sl. Mennta- og menningarmálaráðuneyti bárust sjö umsóknir um stöðuna, þrjár frá konum og fjórar frá körlum. Umsækjendur eru:

• Aðalheiður Dröfn Eggertsdóttir, deildarstjóri,
• Geir Hólmarsson, meistaranemi,
• Helgi Einar Baldursson, framhaldsskólakennari,
• Ingileif Oddsdóttir, náms- og starfsráðgjafi,
• Jóhannes Ágústsson, fyrrverandi skólastjóri,
• Nína Þóra Rafnsdóttir, framhaldsskólakennari og
• Þorkell Vilhelm Þorsteinsson, aðstoðarskólameistari.

Miðað er við að mennta- og menningarmálaráðherra skipi í stöðuna til fimm ára frá 1. ágúst nk., að fenginni umsögn hluteigandi skólanefndar, sbr. 1. mgr. 6. gr. laga um framhaldsskóla, nr. 92/2008 og lög um réttindi og skyldur starfsmanna ríkisins nr. 70/1996 með síðari breytingum.